मिलन चाम्सको निर्देशनमा बन्न लागेको चलचित्र ‘गोर्खा वारियर’को टेस्ट टिजर सार्वजनिक भएको छ । सार्वजनिक टिजरमा देखाइएका दृष्यहरु भने चलचित्रमा समावेश गरिने छैन । 

वीर गोर्खालीको कथामा बन्न लागेको यस चलचित्र छायांकनको तयारीमा थियो । तर, कोरोनाका कारण चलचित्रको छायांकन हुन सकेन । 

चलचित्रमा दयाहाङ राई, प्रशान्त तामाङ, वर्षा सिवाकोटी, बुद्धि तामाङ, विजय लामा, माओत्से गुरुङ, कविता आले, रुपा पुन लगायतले अभिनय रहने छ । चलचित्रमा केही हलिउड कलाकारको पनि अभिनय रहने बताइएको छ ।

५० प्रतिशत हलिउड प्राविधिक राखेर बनाइने यस चलचित्र नेपाली र अंग्रेजी दुई भाषामै तयार हुने बताइएको छ । चलचचित्रलाई यूके, अफगानिस्तान र नेपालमा छायांकन गरिने छ । चलचित्रलाई प्रदीप भारद्वाजले लेखेका हुन् ।

लण्डन सिने आइ प्रोडक्सनको व्यानरमा निर्माण हुने चलचित्रको बजेट निकै महंगो छ ।