नेपाली चलचित्रकी प्रथम अभिनेत्री भुवन चन्दको निर्माणमा तयार भएको चलचित्र 'साईनो' युट्युबमा सार्वजनिक भएको छ । हलमा रिलिज भएको छोटो समयमा नै चलचित्रलाई युट्युबमा सार्वजनिक गरिएको हो । 

रमेश थापा निर्देशित यस लचलचित्रमा त्रिकोणात्मक प्रेमकथा देखाइएको छ । चलचित्रमा नीता ढुंगाना, मिरुना मगर र राजकुमारको मुख्य भूमिका रहेको छ । 

अभिमन्यू निरवीले लेखेको यस चलचित्रमा भुवन चन्द, मदनदास श्रेष्ठ, राजा राजेन्द्र पोखरेल, बसुन्धरा भुषाल, रोयदीप श्रेष्ठ, धमेन्द्र आचार्य, विशाल पहाडी, वसुकला मैनालीलगायतका कलाकारहरुको पनि अभिनय छ ।

शरण थापा कार्यकारी निर्माता रहेको चलचित्रमा रामजी लामिछानेको कोरियोग्राफी, रोशन बिक्रम भट्टराईको द्वन्द्व, रामेश्वर कार्कीको छायांकन तथा बनिश शाहको सम्पादन रहेको छ ।