पछिल्लो समय धेरै जना सेलिब्रेटीहरुले आफ्नै युट्युब च्यानल खोलिरहेका छन् । गायक/गायिका त हुने नै भयो, नायिकाहरुले पनि अहिले युट्युब अकाउन्ट खोलेर भिडियो हालिरहेका छन् ।
लकडाउन सुरु भएपछि झनै नायिकाहरु युट्युबमा झुल्किन थालेका हुन् । नायिका केकी अधिकारी अहिले युट्युबकी सकृय प्रयोगकर्ता हुन् । उनले आफ्नै च्यानलमा भिडियो हालिरहेकी हुन्छिन् । उनले विशेषत कथा, कविता तथा लेखहरु पढेर भिडियो बनाउने गर्छिन् ।
नायिका निशा आधिकारीले पनि आफ्नै युट्युब सुरु गरेकी छिन् । उनले भिडियो कलबाट लिएको अन्तरवर्ता त्यहाँ हाल्ने गर्छिन् ।
त्यस्तै, नायिका रीमा विश्वकर्माको पनि आफ्नै युट्युब च्यानल छ । उनले विभिन्न भ्लग भिडियोहरु हाल्ने गर्छिन् ।
नायिका निरुता सिंहले पनि युट्युब सुरु गरेकी छिन् । उनले त्यहाँ आफ्नो सुटिङको पूरानो भिडियोहरु हाल्ने गरेकी छिन् ।
नायिका वर्षा राउतले त श्रीमान् सन्जोग कोइरालासँग मिलेर च्यानल चलाइरहेकी छिन् । उनीहरुले पनि विभिन्न भ्लगहरु हाल्ने गर्छन् । उनीहरुको त कमाई पनि राम्रो छ ।
नायिका प्रियंका कार्कीको पनि आफ्नै च्यानल छ । उनले निर्माण गरेको सिरिज 'जस्ट एनोदर लभ स्टोरी' सोही च्यानलबाट आएको थियो ।
