काठमाडौं । गायिका प्रीति कौरले आफ्नो नयाँ गीत सार्वजनिक गरेकी छिन् ।
‘चिम्लेर आँखा’ बोलको पप–रक गीत उनले आफ्नै युट्युव च्यानलबाट सार्वजनिक गरेकी हुन् ।
यस गीतको गीतकार एकातारे हुन् भने सुशान्त गौतमले यो गीतमा संगीत भरेका छन् ।
गीतको भिडियो छायांकन प्रतीक केसीले गरेका हुन् भने संगीत संयोजन रिकेश गुरुङ ‘किइज’ को छ ।
चार महिनाअघि कौरले ‘रहर’ म्युजिक भिडियो निकालेकी थिइन् ।
धेरै पल्ट जीवनमा (२००४), रिसाउन पाइँदैन (२००४), बेली डान्सर (२०१५), तिम्रै लागि (२०१७) लगायतका चर्चित गीतमात्रै होइन कौरले विभिन्न नेपाली चलचित्रमा पार्श्वगीत गएकी छिन् ।
तीन वर्षअघि ‘तिम्रै लागि’ गीतबाट कमब्याक गरेकी कौरले ‘चिम्लेर आँखा’ बोलको पप–रक जेनरको म्युजिक भिडियो आफ्नै युट्युव च्यानलमा रिलिज गरेकी हुन् ।
