काठमाडौं । बलिउड अभिनेता शाहरुख खानको फिल्म 'पठान'को सुटिङ दुबईको बुर्ज खालिफामा हुने भएको छ ।
पठानका निर्देशक सिद्धार्थ आनन्दले भवनको भित्र शाहरुख खानसँगै केही महत्त्वपूर्ण एक्नस सिक्वेन्स गर्ने भएका हुन् । बुर्ज खलिफाभित्र भारतीय फिल्मको शुट गर्ने पठान पहिलो चलचित्र हुने भारतीय सञ्चारमाध्यमले जनाएका छन् ।
यसअघि अक्षय कुमारको 'लक्ष्मी' र किचा, सुदीपको 'विक्रांत राणा' मा भवन बाहिरबाट देखाइएको थियो ।
२०१८ मा रिलिज भएको उनको फिल्म ‘जिरो’ फ्लप भएपछि खान केही समय कुनै पनि फिल्ममा देखिएका थिएनन् ।
