गीतकार डीपी दाहाल परिश्रमीले युवाको मन जित्ने प्रयास स्वरूप तिमी को हौ ? बोलको गीतको भिडियो डिलाइटेड युट्युब च्यानल बजारमा ल्याएका छन् ।
लामो समयदेखि संगीतकार एवं एरेन्जरको छवि बनाएका मनोहर सुनामको संगीत यस गीतमा रहेको छ भने नवगायिका मारिया सुनामले मिठो स्वरमा गायकी छिन ।
गिटारलाई बेस गरेर बनाइएको यस गीतमा प्रकाश मिश्रले माष्टरिङ गरेका छन् भने यो गीत अकष्टिक स्टुडियोमा रेकर्ड गरिएको हो । यस गीतकी प्रस्तुतकर्ता रिता सिम्खडा दाहाल हुन् ।
डिलाइटेड म्युजिक इन्डस्ट्रिज प्रालिले उत्पादन तथा वितरण गरेको तिमी को हौ ? सुन्नलायक मिठो सिर्जना बनेको छ । ह्वाइट मिडियाको उत्पादन सहयोग रहेको यस गीतबाट नवगायिका मारियाले निकै आशा गरेकी छिन् ।
