काठमाडौं । वीरगन्जमा कोरोना परीक्षण रोकिएको छ ।
सेनाले किनेको रि–एजेन्टले काम नगरेपछि वीरगन्जको नारायणी अस्पतालमा कोरोना परीक्षण रोकिएको हो ।
मन्त्रालयले पठाएको रिजेन्टले काम नगरेपछि ल्याब बन्द गर्नुपरेको नारायाणी अस्पतालले बताएको छ ।
अस्पतालको ल्याब बन्द भएसँगै संकलन भएका करिब एक हजार दुई सय स्वाब परीक्षणका लागि राष्ट्रिय जनस्वास्थ्य प्रयोगशाला, टेकुमा पठाइएको अस्पतालले जनाएको छ ।
अस्पताले एक हजार थान उपकरण आए पनि सो उपकरण काम नलाग्ने भएको बताएको छ ।
सोबारे अस्पतालले स्वास्थ्य मन्त्रालय, स्वास्थ्य सेवा विभाग, राष्ट्रिय जनस्वास्थ्य प्रयोगशालालगायत सरोकारवाला निकायमा लिखित जानकारी पठाएको बताएको छ ।
