काठमाडौं । स्वास्थ्य तथा जनसंख्या मन्त्रालयले सबै निजी, सहकारी, सरकारी र सामुदायिक अस्पताललाई कोभिडका बिरामीका लागि ५० प्रतिशत बेड छुट्याउन निर्देशन दिएको छ ।
यसअघि अस्पतालहरुलाई २० प्रतिशत र मेडिकल कलेजहरुलाई ३३ प्रतिशत बेड छुट्याउन भनिएकोमा मन्त्रालयको आइतबार बसेको बैठकले आइसियू पूर्वाधारसहित ५० प्रतिशत बेड छुट्याउन निर्देशन दिएको हो ।
सो बैठकले कोरोना संक्रमितको डिस्चार्ज अवधि पनि घटाएर पछिल्लो तीन दिनमा लक्षण नदेखिए १० दिनमा डिस्चार्ज गर्न भनी निर्देशन पनि दिएको छ ।
आइतबारै स्वास्थ्य तथा जनसंख्या मन्त्रालयले सरकारले सबै संक्रमितको उपचार नगर्ने बताएको छ ।
