काठमाडौं । तनहुँका एक कोरोना संक्रममितको मृत्यु भएको छ ।
सोमबार शुक्लागण्डकी नगरपालिका निवासी एक पुरुषको कोरोना सङ्क्रमणबाट मृत्यु भएको गण्डकी प्रदेश स्वास्थ्य निर्देशनालयले जनाएको छ । ५० वर्षीय मृतकको पोखरा स्वास्थ्य विज्ञान प्रतिष्ठानमा उपचारका क्रममा मृत्यु भएको हो ।
मृतक पुरुषमा कात्तिक ८ मा कोरोना सङ्क्रमण पुष्टि भएको थियो । उनी निमोनियालगायत समस्याबाट पीडित थिए । उनको मृत्युसँगै तनहुँमा कोरोना सङ्क्रमणबाट मृत्यु हुनेको सङ्ख्या ११ पुगेको छ । त्यसैगरी, गण्डकी प्रदेशमा हालसम्म कोरोनाका कारण ६८ जनाको मृत्यु भएको छ ।
