विश्व बैंकले नेपाल, माल्दिम्भस र श्रीलंकाका लागि अमेरिकी नागरिक फारिस हदाद जर्भोसलाई नयाँ कन्ट्री निर्देशक नियुक्ति गरेको छ ।
उनले विश्व बैंककाे तर्फबाट माल्दिभ्स, नेपाल र श्रीलंकाको नेतृत्व गर्दै करिब ५ अर्ब ५० करोड अमेरिकी डलरबराबरको चालू कार्यक्रमको नेतृत्व गर्ने बताइएको छ ।
उनी तीन मुलुकका लागि नियुक्त भएका हुन् । तर, उनको कार्यालय नेपालमा रहने बताइएको छ । काठमाडौं विश्व बैंकको उपक्षेत्रीय कार्यालयसमेत हो ।
यसअघि यी तीन मुलुकका लागि राष्ट्रिय निर्देशकको पदमा आइडा जेड. पस्वराई रिद्धी थिइन् ।
निर्देशक हदाद जर्भोस यसअघि नेपालका लागि विश्व बैंकका राष्ट्रिय प्रबन्धक पदमा कार्यरत थिए ।
जर्भोस सन् १९९६ (वि सं २०५२) देखि विश्व बैंकसँग आबद्ध छन् ।
उनले यसअघि मलेसिया र बोलिभियामा समेत राष्ट्रिय प्रबन्धकको रूपमा काम गरेका छन् ।
