काठमाडौं । वातावरण पत्रकारिता पुरस्कार नेपाल साप्ताहिकका संवाददाता यम बमलाई दिने निर्णय भएको छ ।
नेपाल वातावरण पत्रकार समूहले ‘विश्व वातावरण दिवस–जुन ५’ को अवसरमा प्रदान गर्दै आएको सो पुरस्कार यस वर्ष बमलाई दिने निर्णय गरेसँगै उनले यो पुरस्कार पाउने भएका हुन् ।
पुरस्कारस्वरुप उनलाई २५ हजार र प्रमाणपत्र प्रदान गरिने भएको छ ।
सो समूहले प्रत्येक वर्ष जुन महिनाको ५ तारिख विश्व वातावरण दिवसका अवसरमा वातावरण पुरस्कार वितरण गर्दै आएको छ ।
सन् २०१९ भरि वातावरण र दिगो विकासका विषयमा प्रकाशित–प्रसारित सामग्री र कार्यक्रममध्येबाट छनोट गरी सो पुरस्कार प्रदान गर्ने निर्णय गरिएको जनाइएको छ ।
