राष्ट्रिय प्रजातन्त्र पार्टीका अध्यक्ष कमल थापाले नेपाल फर्किँदै गरेका नेपाली नागरिक नाकामा रोकिनुपर्ने अवस्थाप्रति चिन्ता जनाएका छन् ।
अध्यक्ष थापाले ट्वीट गर्दै भारतमा रहेका नेपालीहरू सीमामा रोकिनु कदापि उचित नभएको उल्लेख गर्दै यसबारे सरकारले गर्ने बहानालाई सरकारको लाचारी र अक्षमता भएको टिप्पणी गरेका हुन् ।
उनले अरू देशले जहाज चार्टर गरेर आफ्ना नागरिक घर फर्काइरहेकोसमेत उल्ले गरेका छन् ।
थापाले मङ्गलवार नै अर्को ट्वीट गर्दै कोरोना सङ्क्रमणबाट जोगिन ध्यानाकर्षण गरेका छन् । देशभित्रका नागरिकलाई लक्षित गर्दै उनले अहिले जो जहाँ छ, त्यही बस्न उत्तम हुने जनाएका छन् ।
त्यसैगरी स्वदेश फर्कने क्रममा सीमामा रहेका नेपालीको स्वास्थ्य परीक्षण, अनिवार्य क्वारेन्टाइन र उनीहरूलाई घरसम्म पुग्ने वातावरण बनाउन अध्यक्ष थापाले सरकारसँग माग गरेका छन् । उपप्रधान तथा गृहमन्त्री रहेर काम गरिसकेका राप्रपा अध्यक्ष थापाले कर्तव्यबाट सरकार पन्छिन नमिल्ने भन्दै सो कामको लागि आवश्यकता परे सुरक्षा अङ्ग परिचालन गर्न सरकारलाई आग्रह गरेका छन् ।
भैरहवा, कञ्चनपुरलगायतका नाकामा नेपाली नागरिक अलपत्र परेका छन् । नेपाल र भारत दुवैतर्फ लकडाउन भएकोले उनीहरू कष्टकर जीवन बिताउन बाध्य छन् ।
अहिले जो जहाॅछ,त्यहि बस्नु उत्तम हो।तर,घरफर्कने चाहनामा कुनै नेपाली सिमानासम्म आईपुगेको छभने सिमामा स्वास्थ परिक्षण,अनिवार्य कोरेण्टाईन व्यवस्थागरि उसलाई घरपुग्ने वातावरण बनाउनु सरकारको कर्तव्य हो।यो कर्तव्यबाट सरकार पन्छन मिल्दैन।आबश्यकभए सुरक्षाअंग परिचालन गर्नुहोस @kpsharmaoli
— Kamal Thapa (@KTnepal) March 31, 2020
बिभिन्न देशले प्लेन चार्टरगरेर आफ्ना नागरिक घर फर्काईरहेका छन्।हामीले पनि चिनबाट ल्यायौं।तर,भारतमा रहेका नेपालीहरु सिमानामा रोकिनु कदापि उपयुक्त होईन।उनीहरुलाई स्वास्थ र सुरक्षाको उचित व्यवस्था गरेर देशभित्र ल्याउन सक्दैन र अनेक बहाना बनाउंछ भने त्यो सरकारको लाचारी/असक्षमता हुनेछ
— Kamal Thapa (@KTnepal) March 31, 2020
