काठमाडाैं ।लकडाउनका कारण काठमाडौंमा कष्टकर जीवन निर्वाह गर्न बाध्य आफ्ना नागरिकको उद्धारमा स्थानीय तह जुटेका छन् ।
संघीय सरकारले जो जहाँ छ, त्यही रहनु भने पनि स्थानीय गहले आफ्ना नागरिकलाई उद्धार गरी गाउँ फर्काउन थालेका छन् ।
जसका कारण सहरबाट गाउँ जानका लागि मुख्य नाका मानिने कोटेश्वरलगायत अन्य स्थानमा रातिराति मानिसको भीड लाग्ने गरेको छ ।
केही दिनअघि स्थानीय सरकारले आफ्ना नागरिक फिर्ता लैजाँदै गर्दा प्रहरीले संघीय सरकारको आदेशअनुसार रोक्न खोज्दा जनप्रतिनिधि र प्रहरीबीच विवाद पनि भएको थियो ।
दोलखाका केही स्थानीय तहले आफ्ना नागरिकलाई गाउँ फिर्ता लैजान थालेपछि अन्य स्थानीय तहले पनि आफ्ना नागरिक फिर्ता लैजान थालेका छन् ।
यस्तै, खोटाङका केही स्थानीय तहले पनि आफ्ना नगरिक उपत्यकाबाट उद्धार गरेका छन् भने केहीले फिर्ता लैजाने तयारी गरिरहेका छन् ।
त्यस्तै सोलुखुम्बुका स्थानीय तहले पनि उपत्यकाबाट गाउँपालिकाभित्र बस्नेलाई फिर्ताका लागि लागत संकलन गरिरहेका छन् भने केहीले आजबाट फिर्ता लैजान सुरु गर्ने बुझिएको छ ।
लकडाउनका कारण जीवनशैली नै कष्टकर भएपछि आममानिस पैदल यात्रा गर्न थालेपछि सरकारकाे चाैतर्फी विरोध र आलोचना भएपछि स्थानीय तहले आफ्ना नागरिक फिर्ता लग्ने नीति लिएअनुरु स्थानीय तहले आफ्ना नागरिक फिर्ता लैजान थालेका हुन् ।
