काठमाडौं । भूमि व्यवस्था, सहकारी तथा गरिबी निवारणमन्त्री पद्माकुमारी अर्यालले भूमि बैंक स्थापना गर्ने बताएकी छन् ।
राष्ट्रिय सभाको बैठकमा बुधबार बोल्दै उनले संघ, प्रदेश र स्थानीय तहको सयुक्त लगानीमा तीन सय स्थानीय तहमा भूमि बैंकको स्थापना गर्ने तयारी भइरहेको पनि बताइन् ।
मन्त्रालयसँग सम्बन्धित बैठकमा विनियोजन विधेयक, २०७७ उठेका प्रश्नको जवाफ दिने क्रममा उनले यस्तो बताएकी हुन् ।
साथै, उनले बैंक स्थापनाका लागि सम्बन्धित स्थानीय तहले बाँजो जमिन पहिचानको काम गरिरहेको पनि बताइन् ।
भूमि बैंक स्थापनाका लागि केन्द्र सरकारले ५० प्रतिशत, प्रदेशले ३० र स्थानीय सरकारले २० प्रतिशत लगानी गर्नुपर्ने उनले बताइन् ।
साथै, उनले भूमि बैंक स्थापनाका लागि सरकारले सेयर लगानी गर्न सरकारले ५० करोड बजेट विनियोजन गरेको पनि उनले बताइन् ।
