काठमाडौं । स्थायी समितिको निर्णयलाई लिएर अध्यक्षद्वयको तर्फबाट फरक-फरक सूचना संप्रेसित भएका छन् ।
नेकपा अध्यक्ष पुष्पकमल दाहाल प्रचण्डको सचिवालयले अध्यादेश फिर्ता र राष्ट्रपतिलाई बुझाएको पत्र फिर्ताबाहेक कुनै सहमति नभएको भनी बताएको छ ।
आज प्रधानमंत्री र कार्यकारी अध्यक्षका बिच भएको सहमति;
— ganga dahal (@gangadahal18) December 16, 2020
१. सरकारद्वारा ल्याईएको अध्यादेश फिर्ता।
२. संसदको विशेष अधिवेशन बोलाऊन राष्ट्रपति लाई बुझाईएको पत्र फिर्ता।
यि दुई सहमति बाहेक अरु कुनैपनि सहमति भएको छैन।
तर, प्रधानमन्त्रीका प्रमुख राजनीतिक सल्लाहकार रिमालले संवैधानिक आयोगमा सहमतिका आधारमा नियुक्ति गर्ने, यसैका आधारमा अध्यादेश फिर्ता लिने र संसद आह्वानको निवेदन फिर्ता लिने निर्णय सर्वसम्मत भएको भनी सामाजिक सञ्जालमा सूचना संप्रेसित गरेका छन् ।
स्थायी समितिको आजको सर्वसम्मत निर्णय -
— Bishnu Rimal (@BishnuRimal) December 16, 2020
- संबैधानिक आयोगहरुमा नियुक्ति सहमतिमा गर्ने
- सहमतिमा आयोगमा नियुक्ति हुने हुँदा अध्यादेश फिर्ता गर्ने
- अध्यादेश फिर्ता हुने हुँदा संसद आव्हानको निवेदन फिर्ता गर्ने
नेकपा बरिष्ठ नेता झलनाथ खनालले पनि सरकारले ल्याएको अध्यादेश फिर्ता र संसद् बोलाउने प्रस्तावबाहेक कुनै पनि सहमति नभएको बताए । नेता खनालले अरु विषयमा आगामी स्थायी कमिटी बैठकमा छलफल हुने बताए ।
यसरी एउटै बैठकको निर्णय एकअर्कामा निमल्ने गरी सार्वजनिक भएपछि दुई अध्यक्षबीच पुन:विवाद उत्पन्न भएको अनुमान गर्न सिकन्छ ।
