काठमाडौं । विप्लव समूहका नेता धर्मेन्द्र बाँस्तोला पुन: प्रकाउ परेका छन् ।
सर्वोच्च अदालतमा दर्ता बन्दीप्रत्यक्षीकरण रिटमाथि सुनुवाइँ गर्दै सोमबार न्यायाधीश मीरा खड्का र सुष्मालता माथेमाको इजलासले बाँस्तोलालाई रिहा गर्न आदेश दिए पनि उनी पुन: पक्रउ परेका हुन् ।
पुस २९ गते प्रहरीले उनलाई ललितपुर र मकवानपुरको सीमाक्षेत्रबाट पक्राउ गरेको थियो । त्यससता सर्वोच्चले रिहा गर्न आदेश दिए पनि उनी पटक-पटक पक्राउ पर्दै आएका छन् ।
एक स्रोतका अनुसार विप्लवसँग वार्ताका लागि सरकारका उद्योग वाणिज्य तथा आपूर्ति मन्त्री लेखराज भट्ट, मणि थापा सक्रिय छन् ।
विप्लव समूह र सरकारबीच वार्ताको हल्ला चलिरहेका बेला विप्लव समूहले पनि आफू वार्तामा आउन तयार रहेको भनी विज्ञप्ति निकालेको थियो ।
शनिबार मात्रै प्रधानमन्त्री केपी शर्मा ओलीले विप्लवसँग वार्ताको तयारी थाहा पाएर प्रचण्डलाई इंगित गर्दै केही मान्छे छटपटाएको भनी व्यंग्य गरेका थिए ।
प्रहरीका अनुसार उनीविरुद्ध काभ्रेमा काभ्रेमा मुद्दा परेकाले उनलाई नियन्त्रणमा लिइएको हो । उनलाई काभ्रे नै लगिने प्रहरीले जनाएको छ ।
