काठमाडौं । नेकपा एमालेका उपाध्यक्ष भीम रावलले माओवादी केन्द्रका अध्यक्ष पुष्पकमल दाहाल प्रचण्डको पछिल्लो अभिव्यक्तिप्रति आपत्ति जनाएका छन् ।
प्रचण्डको अभिव्यक्तिप्रति आपत्ति जनाउँदै रावलले 'एमाले विभाजन गर्न खोजेको' आरोप लगाएका छन् ।
रावलले शनिबार राति विज्ञप्ति जारी गर्दै 'गठबन्धन सबैको आ-आफ्नो स्वार्थमा बनेको थियो' भनेका छन् ।
शनिबार बिहान एक कार्यक्रममा माओवादी अध्यक्ष प्रचण्डले 'भीम रावल नपत्याउदो ढंगले ढलेको' भनेर बोलेका थिए ।
त्यसको जवाफमा रावलले कडा वक्तव्य निकाल्दै 'प्रचण्डले एमाले ढाल्न खोजेको र शेरबहादुर देउवासँग स्वाधीनताका विषयमा कुरा गर्ने मौका नदिएको' बताएका छन् ।
प्रचण्डको टिप्पणीलाई रावलले 'हास्यास्पद र मनगढन्त' भनेर भनेका छन् ।
प्रतिनिधि सभाको सदस्यबाट राजीनामा दिएर म स्वच्छ राजनीति र पार्टी एकताको पक्षमा उभिएको हुँ, पुष्पकमल दाहाल'प्रचण्ड'जीले भन्नुभएझैं 'ढलेको' होइन।थप कुरा यस प्रकार छन्: pic.twitter.com/bh6zVzR0D9
— Dr. Bhim Rawal (@BhimRawal179) July 24, 2021
