काठमाडौं । राष्ट्रिय प्रजातन्त्र पार्टीका अध्यक्ष कमल थापाले भारतीय सीमा सुरक्षा बलले तुइन काटेको घटनामा भारत सरकारले नेपालसँग सार्वजनिक माफी माग्नु पर्ने बताएका छन् ।
दार्चुलाको व्यास गाउँपालिका-२ का ३५ वर्षीय जयसिंह धामी चढेको तुइन भारतीय सीमा सुरक्षा बलले काटिदिँदा महाकालीमा खसेर उनी बेपत्ता भएको भोलिपल्ट अध्यक्ष थापाले आफ्नो धारणा सार्वजनिक गरेका हुन् ।
यदि घटना सत्य हो भने त्यस्तो अमानवीय कार्यमा संलग्न दोषीलाई भारतले सरकारले कारबाही गर्नुपर्ने समेत थापाकफ माग छ ।
'दार्चुलामा महाकाली तर्न लाग्दा भारतीय सुरक्षाकर्मीले तुइनको डोरी काटिदिएको दिएका कारण नदीमा डुबेर जयसिंह धामीको दु:खद निधन भएको घटनाको छानविन गर्न सरकारसॅग माग गर्दछु', थापाले भनेका छन्, 'यदि घटना सत्य हो भने त्यस अमानवीय कार्यमा संलग्न दोषीलाई भारत सरकारले कारवाही गर्नु पर्छ र सार्वजनिकरूपमा माफी माग्नु पर्छ ।'
दार्चुलामा तुईनबाट महाकाली नदी तर्न लाग्दा भारतीय सुरक्षाकर्मीले तुईनको डोरी चुडाईं दिएकोले नदीमा डुबेर जयसिंह धामीको दु:खद निधन भएको घटनाको छानविन गर्न सरकारसॅग माग गर्दछु।घटना सत्य हो भने सो अमानवीय कार्यमा संलग्न दोषीलाई भारत सरकारले कारवाही गरी सार्वजनिकरूपमा माफी माग्नु पर्छ pic.twitter.com/o3tYrBypsx
— Kamal Thapa (@KTnepal) July 31, 2021
