काठमडौं । डा. युवराज खतिवडा पुनः मन्त्री पदमा नियुक्त भएका छन् ।
मिर्गौला प्रत्यारोपणका लागि अप्रेसन थिएटरमा जानुअघि बुधबार बिहान प्रधानमन्त्री केपी शर्मा ओलीले खतिवडालाई अर्थमन्त्रीमा पुनः नियुक्त गरेका हुन् ।
राष्ट्रिय सभा सदस्यको पदावधि सकिएपछि खतिवडाले मङ्गलबार आफ्नो पदबाट राजीनमा दिएका थिए ।
सरकारको सिफारिसमा राष्ट्रपति विद्यादेवि भण्डारीले संविधानको धारा ७८ को उपधारा (१) बमोजिम खतिवडालाई मन्त्री पदमा नियुक्त गरेकी हुन् ।
खतिवाडाले अर्थ मन्त्रालय र सञ्चार तथा सूचना प्रविधि मन्त्रालयको कार्यभार सम्हाल्ने छन् ।
डा. खतिवडाले आज ४ बजे राष्ट्रपति भवन शीतलनिवासमा पद तथा गोपनीयताको सपथग्रहण लिनेछन् ।
संविधान अनुसार, डा. खतिवडा अबको ६ महिनासम्म मन्त्री रहनेछन् । यसबीचमा उनी संघीय संसदको सदस्य नबनेमा स्वतः मन्त्रीबाट हट्नेछन् ।
