काठमाडौं । मास्क नलगाई घरबाहिर निस्कनेलाई अब प्रहरीले पक्राउ गर्ने भएको छ । गृह मन्त्रालयले मास्क नलगाई घर बाहिर निस्कनेलाई पक्राउ गर्न प्रहरी प्रधान कार्यालयलाई निर्देशन दिएको हाे ।

संक्रामक रोग ऐन २०२० अनुसार गृह मन्त्रालयकाे निर्देशनमा मास्क नलगाई घरबाहिर निस्कनेलाई पक्राउ गरिने गृह मन्त्रालयका सूचना अधिकारी उमाकान्त अधिकारीले जानकारी दिए ।

लकडाउनका कडाइ नहुँदा कोरोना महामारी नियन्त्रणमा समस्या हुन सक्ने भएकाले यस्तो निर्देशन दिएको गृह मन्त्रालयले जनाएकाे छ ।