चितवन । नारायणगढ–मुग्लिन सडकखण्डमा सडक भासिएको छ ।
नारायणगढ–मुग्लिन सडकअन्तरगत भरतपुर–२९ सत्रकिलोमा सडक भासिएको हो ।
सडक भासिएपछि अहिले एकतर्फी रूपमा मात्रै सवारी साधन सञ्चालन भैरहेको जिल्ला प्रहरी कार्यालय चितवनले जानकारी दिएको छ ।
सोमबार विहान ९ बजेतिर सडक भासिएको प्रहरीले जनाएको छ ।
अविरल वर्षाको कारण सडकखण्डको १.५ फिट पिच सडक भासिएको जिल्ला प्रहरी कार्यालय चितवनका प्रवक्ता सूर्यबहादुर थापाले जानकारी दिए ।
नारायणगढ–मुग्लिन सडकखण्डका विभिन्न स्थानमा यसअघि भासिएको सडक अहिलेसम्म बनेको छैन ।
