काठमाडौं । बाँकेमा शनिबार थप २० जनामा कोरोना पुष्टि भएको छ ।
थप २० मा कोरोना पुष्टि भएसँगै सो जिल्लामा निषेधाज्ञा तीन दिनका लागि थपिएको छ ।
शनिबार भेरी अस्पतालले गरेको कोरोना परीक्षणमा नेपालगन्जका १६ र कोहलपुरका ४ जनामा कोरोनाभाइरस संक्रमण पुष्टि भएको हो ।
शनिबार आएको परीक्षण रिपोर्टअनुसार ३ सयमध्ये २२ जनामा कोरोना संक्रमण पुष्टि भएको छ । यीमध्ये २ जना बर्दियाका हुन् ।
बाँके प्रशासनले कोरोना संक्रमित बढेसँगै अहिले निषेधाज्ञा थप गरिएको जनाएको छ ।
यसअघि सो जिल्लामा शनिबार (आज) सम्मका निषेधाज्ञा लगाइएको थियो ।
