काठमाडौं । टोकियो ओलम्पिक २०२० मा भारतले पुरुष हकीमा कास्य पदक जितेको छ । जर्मनीलाई ५ ४ ले हराउँदै भारतले कास्य पदक जितेको हो ।
भारतले सन् १९८० मा मस्को ओलम्पिकमा हकीमा स्वर्ण पदक जितेको थियो । त्यसयता भारत हकीमा पदकविहीन हुँदै आएको थियो ।
४१ वर्षपछि पदक जित्नु ऐतिहासिक भन्दै भारतीयहरुले खुसी मनाइरहेका छन् ।
भारतीय प्रधानमन्त्री नरेन्द्र मोदीले पनि हकी टिमलाई बधाइ दिँदै हकी टिमप्रति गर्व लागेको बताएका छन् ।
यसलाई ‘ऐतिहासिक’ क्षण भन्दै मोदीले भनेका छन्, ‘एक यस्तो दिन जुन हरेक भारतीयको यादमा अंकित हुने छ । कास्य पदक घर ल्याउने हाम्रो पुरुष हकी टिमलाई बधाई । यो उपलब्धिले पूरै देश, खासगरी हाम्रा युवाहरुमा उत्साह भरेको छ । भारतलाई आफ्नो हकी टिमप्रति गर्व छ ।’
Historic! A day that will be etched in the memory of every Indian.
— Narendra Modi (@narendramodi) August 5, 2021
Congratulations to our Men’s Hockey Team for bringing home the Bronze. With this feat, they have captured the imagination of the entire nation, especially our youth. India is proud of our Hockey team. 🏑
