सरकारका प्रवक्ता एवं अर्थ तथा सञ्चारमन्त्री डा. युवराज खतिवडाले कोरोना नियन्त्रणका लागि चालिएको कदमलाई साथ दिएको भन्दै सरकारले जनतालाई धन्यवाद दिएको बताए ।
मंगलबार बसेको उच्चस्तरीय समितिको बैठकपछि सरकारका प्रवक्ता एवं अर्थ तथा सञ्चारमन्त्री डा. युवराज खतिवडाले सरकारले जनतालाई धन्वाद दिएको जानकारी दिएका हुन् ।
कोरोना रोकथामसम्बन्धी उच्चस्तरीय समितिको मंगलबार बसेको बैठकले धन्यवाद प्रस्ताव पास गरेको थियो ।
समितिले मंगलबार बिहान ६ बजेदेखि १८ गते बिहान ६ बजेसम्म घरबाट बाहिर निस्कन र सवारीसाधन सञ्चालन गर्न रोक लगाएको थियो ।
त्यसअनुसार अत्यावश्यक काममाबाहेक मानिस घरबाहिर निस्किएका छैनन् ।
