नागरिकताको विषयमा संवेदनशील हुनुपर्ने थापाको भनाइ

असार ०३, २०७७

काठमाडौं । राप्रपा अध्यक्ष कमल थापाले नेपाल नागरिकताको विषयमा संवेदनशील हुनुपर्ने बताएका छन् ।

नागरिकता ऐन २०६३ संशोधन गर्न बनेको विधेयक संसदको राज्य व्यवस्था समितिमा विचाराधीन वैवाहिक अंगीकृत नागरिकताको विषयले सार्थकता पाउन नसकिरहेको अवस्थामा थापाले एक ट्विट गर्दै यस्तो बताएका हुन् ।

‘नेपालको भूराजनीतिक अवस्था र सामाजिक र सांस्कृतिक परिवेशलाई दृष्टिगत गर्दै नागरिकताको विषयमा संवेदनशील हुनैपर्छ,’ उनको ट्विटमा भनिएको छ, ‘वैवाहिक अंगीकृत नागरिकता सात वर्षपछि मात्र पाउने र त्यो अवधिसम्मका लागि आर्थिक,सामाजिक र सांस्कृतिक अधिकार प्रयोग गर्न पाउनेगरी नागरिकतासरहको अनुमतिपत्र दिनु उपयुक्त हुनेछ ।’

नेपालको भूराजनीतिक अवस्था र सामाजिक/ सांस्कृतिक परिवेशलाई दृष्टिगतगर्दै नागरिकताको बिषयमा संवेदनशील हुनैपर्छ।वैवाहिक अंगीकृत नागरिकता सात वर्षपछि मात्र पाउने र त्यो अवधिसम्मका लागि आर्थिक,सामाजिक र साँस्कृतिक अधिकार प्रयोगगर्न पाउनेगरी नागरिकता सरहको अनुमतिपत्र दिनु उपयुक्त हुनेछ