काठमाडौं । राष्ट्रिय प्रजातन्त्र पार्टी (राप्रपा) अध्यक्ष कमल थापाले प्रधानमन्त्री केपी शर्मा ओलीको ‘असफलता/अकर्मण्यता’बाट मुक्तिका लागि पनि ताजा जनादेशमा जानु उपयुक्त हुने बताएका छन् ।
नयाँ चुनावको समर्थन गर्नु प्रधानमन्त्री ओली वा सरकारको समर्थन गर्नु नभएको जिकिर गर्दै अध्यक्ष थापाले ‘संसदीय प्रजातन्त्र र संवैधानिक मूल्य/मान्यताप्रतिको विश्वसाको अभिव्यक्ति भएको तर्क गरेका छन् ।
आज (शनिबार) बिहान सामाजिक सञ्जाल ट्विटरमा उनले लेखेका छन्, ‘नयाँ चुनावमा जाँदा संविधानको हत्या हुन्छ भन्नु संविधानरप्रजातन्त्रसम्मत छैन ।’
नयाँ चुनावमा जांदा संविधानको हत्या हुन्छ भन्नु संविधान/प्रजातन्त्र सम्मत छैन।
— Kamal Thapa (@KTnepal) January 30, 2021
नयाँ चुनावको समर्थन केपी ओली वा सरकारको समर्थन होइन।संसदीय प्रजातन्त्र र संवैधानिक मूल्यमान्यता प्रतिको बिश्वासको अभिव्यक्ति हो।केपी ओलीको असफलता/अकर्मण्यताबाट मुक्तिकोलागि पनि ताजा जनादेश उपयुक्त हुन्छ
बहुमतप्राप्त प्रधानमन्त्रीले प्रतिनिधिसभा विघटन गर्नेबारे संविधानमा अस्पष्टता रहेको भन्दै थापाले त्यसको निराकरण सर्वोच्च अदालतले गर्ने बताएका छन् । संसदीय प्रजातन्त्र भएको देशमा ताजा जनादेशमा जाने निर्णय स्वभाविक रहेको उनको तर्क छ ।
बहुमत प्राप्त प्रमले प्रतिनिधिसभा विघटन गर्नेवारे संविधानमा अस्पष्टता छ,त्यसको निराकरण सर्वोच्च अदालतले गर्छ।यसमा व्याख्याको जरुरी छ।संसदीय प्रजातन्त्र भएको देशमा ताजा जनादेशमा जाने निर्णय स्वभाविक हो।
— Kamal Thapa (@KTnepal) January 30, 2021
संविधानको आशय स्थिरता हो। विघटनले होइन,पुनःस्थापनाले अस्थिरता ल्याउने स्पष्ट छ
'विगतको अनुभव दृष्टिगतगर्दै संविधानले स्थिरतालाई जोडदिएको हो ।चुनावमा पूर्णबहुमत प्राप्त दल फुटाएर,सांसद किनबेच गरेर, अपवित्र गठबन्धन बनाएर सरकार बनाउ र अस्थिरताको श्रृंखला चलाउ भन्ने संविधानको आशय कदापि होइन', अध्यक्ष थापाले लेखेका छन्, 'बहुमतको सरकार चल्न नसके नयाँ चुनाव सर्वमान्य प्रजातान्त्रिक अभ्यास हो ।'
विगतको अनुभव दृष्टिगतगर्दै संविधानले स्थिरतालाई जोडदिएको हो।चुनावमा पूर्णबहुमत प्राप्त दल फुटाएर,सांसद किनबेच गरेर,अपवित्र गठबन्धन बनाएर सरकार बनाउ र अस्थिरताको श्रृंखला चलाउ भन्ने संविधानको आशय कदापि होइन।वहुमतको सरकार चल्न नसके नयाँ चुनाव सर्वमान्य प्रजातान्त्रिक अभ्यास हो
— Kamal Thapa (@KTnepal) January 30, 2021
यसैबीच अध्यक्ष थापाले निहित स्वार्थको निमित्त करोडौं खर्च गरेर शक्ति प्रदर्शनको नाममा अदालतलाई धम्क्याउने र अस्थिरता सिर्जना गर्ने कार्यले संविधान र प्रजातन्त्रलाई कमजोर बनाउने बताएका छन् ।
सर्वोच्च अदालत र निर्वाचन आयोगले निर्णय गर्न ढिलो हुँदा राजनीतिक दल, नेताहरूको नियन्त्रणबाट परिस्थिति बाहिर जाने खतरा हुने उनले औंल्याएका छन् ।
निहित स्वार्थको निमित्त करोडौं खर्च गरेर शक्ति प्रदर्शनको नाममा अदालतलाई धम्क्याउने र अस्थिरता सिर्जनागर्ने कार्यले बरु संविधान र प्रजातन्त्रलाई कमजोर बनाउंछ। सर्वोच्च अदालत र निर्वाचन आयोगले निर्णयगर्न ढिलो हुंदा राजनीतिक दल/नेताहरूको नियन्त्रणबाट परिस्थिति बाहिर जाने खतरा हुन्छ
— Kamal Thapa (@KTnepal) January 30, 2021
