काठमाडाैं । काठमाडाैंमा शुक्रबार पनि केपी शर्मा ओलीको पक्षमा प्रदर्शन भएको छ ।
पार्टीभित्रैबाट राजीनामा माग भएपछि प्रधानमन्त्रीका समर्थकहरूले केही दिनयता उनलाई हटाउन नपाइने भन्दै सडकमा प्रदर्शन गरिरहेका छन् ।
यस्तै, शुक्रबार पनि प्रदर्शन र नाराबाजीका लागि माैसम उपयुक्त नभए ओलीको पक्षमा प्रदर्शनकारीले प्रदर्शन गरेका छन् ।
नेकपाभित्र शीर्शस्थ तहमा सत्ता र शक्तिका लागि किचलो भइरहेका बेला केही दिनयता प्रधानमन्त्री केपी शर्मा ओलीको पक्षमा प्रदर्शन हुँदै आएका छन् ।
यसरी दिनहुँ ओलीको पक्षमा प्रदर्शन हुनुको पछि स्वयं प्रधानमन्त्रीको हात रहेको भनी आलोचना पनि हुने गरेको छ ।
बिहीबार मात्रै नेकपाको आन्तिरक विवाद मिलाउन सक्रिय दोस्रो तहको बैठकमा प्रधानमन्त्री केपी शर्माको पक्षमा हुने प्रदर्शन रोक्न घनश्याम भुसाललाई जिम्मेवारी दिइएको थियो ।
